Cwestiynau Cyffredin

Y ffordd hawsaf i ni ateb eich cwestiynau yw drwy gael sgwrs dros y ffôn neu drwy neges e-bost. Gallwch ein ffonio ar 020 7833 7611, neu anfon neges e-bost atom yn hopeproject@dogstrust.org.uk.

Os nad oes gennych gredyd, gadewch i ni wybod ac fe wnawn ni eich ffonio’n ôl.

Yn anffodus, dim ond perchnogion cŵn sy'n profi digartrefedd y gallwn eu cefnogi. Fodd bynnag, mae gwasanaethau milfeddygol cost isel eraill a allai helpu. Edrychwch ar y sefydliadau rydym yn eu hargymell ar gyfer helpu gyda biliau milfeddygol.

Unwaith y bydd eich ci wedi'i gofrestru gyda ni, byddwn yn ymdrin â'r holl driniaethau ataliol a'r rhan fwyaf o driniaethau hanfodol a brys eraill y gallai fod eu hangen ar eich ci. Mae rhai pethau na allwn eu cynnwys, ond byddwn yn rhoi gwybod i chi am y rhain pan fyddwch yn cofrestru eich ci.

Os oes rhywbeth na allwn ei dalu, byddwn bob amser yn trafod hyn gyda chi a'ch milfeddyg. Byddwn bob amser yn sicrhau bod opsiynau eraill ar gyfer eich ci.

Mae gennym gyfyngiad o ddau gi i bob perchennog. Mae hyn yn ein galluogi i gefnogi cymaint o berchnogion cŵn â phosibl gyda gofal milfeddygol am ddim.

Rydym yn gynllun DU cyfan felly gallwn eich helpu ni waeth ble rydych chi’n byw. Mae gennym rai ardaloedd lle mae gennym filfeddygfeydd partner, ond os nad ydych yn byw yn un o'r ardaloedd hyn, byddwn yn cysylltu â milfeddygfa leol lle gall eich ci gael triniaeth.