Y manteision o dderbyn cŵn

Mae cymaint o fanteision i ddod yn gyfeillgar i gŵn, nid yn unig i gŵn a’u perchnogion, ond hefyd i'ch gwasanaeth.

Yn aml, rydym yn derbyn adborth gan wasanaethau sy’n gyfeillgar i gŵn sy’n nodi bod cŵn yn darparu dull o dorri’r garw yn gymdeithasol. Gall eu cwmni a'u presenoldeb fod yn lleddfol a chefnogol i'r rheini sydd o gwmpas.

Yn ogystal, gall presenoldeb ci helpu pobl eraill sy'n defnyddio'ch gwasanaeth. Mae rhai gwasanaethau wedi dweud wrthym fod cael cŵn o gwmpas wedi helpu pobl eraill yn y gwasanaeth i ymgysylltu mwy.

"Roedd cael Bullseye yn yr adeilad yn therapiwtig iawn i'r holl breswylwyr a staff. Roedd yn gi mor gyfeillgar gyda chynffon oedd wastad yn siglo. Roedd pawb wrth eu bodd ac yn edrych ymlaen at ei weld bob dydd. Roedd Dogs Trust yn darparu cymorth gwych."

Shona

Gweithiwr cymorth gyda Streetwork, gwasanaeth Croesawu Cŵn ardystiedig

Mae bod yn gyfeillgar i gŵn hefyd yn bwysig i wasanaethau sy'n defnyddio dull sy'n seiliedig ar drawma ac sy'n canolbwyntio ar yr unigolyn. I lawer o berchnogion cŵn sy’n profi digartrefedd, byddant wedi profi trawma a cholled yn eu bywydau. Gall cais i roi'r gorau i'w ci atgyfnerthu hyn.

I unigolyn sy'n profi digartrefedd, efallai mai ei gi yw'r unig berthynas gadarnhaol sydd ganddo yn ei fywyd. Trwy dderbyn cŵn, rydych chi'n helpu i gynnal y berthynas hanfodol hon.

Pan fydd rhywun yn gallu cael mynediad at wasanaeth gyda’i gi, mae’n effeithio ar ddau fywyd, ac o fudd iddynt, yn hytrach nag un bywyd yn unig.